Ríomhfhoirmeacha

Naisc úsáideacha

• Suíomh Gréasáin Dhoiciméid Fhorbróirí TED,Ceisteanna Coitianta faoi Ríomhfhoirmeacha san áireamh
• Fearas Forbartha Bogearraí Ríomhfhoirmeacha ar GitHub

Cartlann maidir le cur i bhfeidhm ríomh-Fhoirmeacha

Ceisteanna agus Freagraí Comhdhlúthaithe ón seimineár gréasáin eNotices2 an 12 Deireadh Fómhair 2023

Tá achoimre ar na ceisteanna agus freagraí ón dara seimineár gréasáin eNotices2 le fáil anois.

Tá taifeadadh den seimineár gréasáin le fáil ar YouTube freisin.

Leagan nua den Fhearas Forbartha Bogearraí Ríomhfhoirmeacha (01/12/2023)

Tá leagan 1.10.0 den Fhearas Forbartha Bogearraí Ríomhfhoirmeacha ar fáil anois ar GitHub.

Sa leagan seo, rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Cuirfear an leagan seo den SDK i bhfeidhm sa Timpeallacht Réamhamhairc an 04/12/2023 agus sa Timpeallacht Táirgthe an 05/12/2023.

Tá an clárúchán ar oscailt don 4ú Ceardlann le hathúsáideoirí TED, an 14 Nollaig 2023

Is féidir clárú anois don cheardlann a bheidh ar siúl an 14 Nollaig 2023. Iarrtar ort clárú roimh an 13 Nollaig ag 12:00, am lár na hEorpa, ag an nasc seo. Cuirfear chugat na sonraí maidir le ceangal Webex an lá roimh an gceardlann.

Iarraimid ort freisin leanúint de na socruithe ‘athúsáide’ ar thairseach nua TED a thástáil sa timpeallacht tástála thiomnaithe ag an URL seo. Is féidir logáil isteach i do chuntas leis na sonraí EU Login céanna a úsáideann tú i dtairseach reatha TED.

Leis an gceardlann seo, tá sé d’aidhm againn aiseolas a bhailiú maidir le heispéireas na dtástálaithe, mar sin molaimid duit go láidir an deis seo a thapú chun na tástálacha a dhéanamh. Is féidir aiseolas a chur chugainn trí na ceisteanna a chuirfear ort a fhreagairt tar éis duit clárú. Mar rogha eile, is féidir aiseolas a chur chugainn mar fhreagairt ar an teachtaireacht seo, nó a chur in iúl dúinn go díreach le linn na ceardlainne.

Mar eolas, tá na freagraí a tugadh ar na ceisteanna a cuireadh le linn na ceardlainne i mí Dheireadh Fómhair ar fáil anois ar shuíomh gréasáin an imeachta.

Seimineár bliantúil eSenders TED (13 Nollaig 2023)

Is féidir clárú anois do sheimineár bliantúil eSenders TED, rud a bheidh ar siúl trí Webex Dé Céadaoin an 13 Nollaig 2023, 10:00-16:00 am lár na hEorpa.Ní mór clárú roimh 12:00 am lár na hEorpa Dé Máirt an 12 Nollaig. Cuirfear treoracha logáil isteach chugat an lá roimh an gcruinniú.

Tá an clár ar fáil ar shuíomh gréasáin an imeachta. Déanfar an seisiún a thaifeadadh, mar sin iarrtar ort an ráiteas príobháideachais a léamh.

Má tá aon cheist agat, déan teagmháil le OP-EVENTS@publications.europa.eu

Ceisteanna agus Freagraí Comhdhlúthaithe ón gCeardlann le hathúsáideoirí TED an 16 Meitheamh 2023

Tá achoimre ar na ceisteanna agus freagraí ón gCeardlann le hathúsáideoirí shuíomh gréasáin TED ar fáil anois.

Ceisteanna agus Freagraí Comhdhlúthaithe ón seimineár gréasáin eNotices2 an 19 Meán Fómhair 2023 

Tá achoimre ar na ceisteanna agus freagraí ón gcéad seimineár gréasáin le húsáideoirí fheidhmchlár gréasáin eNotices2 ar fáil anois.

Tá taifeadadh físeáin den cheardlann ar fáil ar YouTube freisin.

Leagan nua den Fhearas Forbartha Bogearraí Ríomhfhoirmeacha (09/10/2023)

Tá leagan 1.9.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Cuirfear an leagan seo den SDK i bhfeidhm sa Timpeallacht Réamhamhairc an 10/10/2023 agus sa Timpeallacht Táirgthe an 11/10/2023.

Tá an clárúchán ar oscailt don 3ú Ceardlann le hathúsáideoirí TED, an 18 Deireadh Fómhair 2023

Is féidir clárú anois don cheardlann a bheidh ar siúl an 18 Deireadh Fómhair 2023. Ní mór clárú roimh an 17 Deireadh Fómhair ag 12:00 am lár na hEorpa. Cuirfear chugat na sonraí maidir le ceangal Webex an lá roimh an gceardlann. 

Iarraimid ort freisin leanúint de na socruithe ‘athúsáide’ ar thairseach nua TED a thástáil sa timpeallacht tástála thiomnaithe ag an URL seo.

Is féidir logáil isteach i do chuntas leis na sonraí EU Login céanna a úsáideann tú i dtairseach reatha TED. Mar eolas, d’fhéadfadh sé go mbeadh fadhbanna ann le cuid de na sonraí a stóráiltear i do chuntais, ach táimid ag súil leis an bhfadhb a réiteach sna laethanta amach romhainn. Maith dúinn aon mhíchaoithiúlacht.

Leis an gceardlann seo, tá sé d’aidhm againn aiseolas a bhailiú maidir le heispéireas na dtástálaithe, mar sin molaimid duit go láidir an deis seo a thapú chun na tástálacha a dhéanamh. Is féidir aiseolas a chur chugainn trí na ceisteanna a chuirfear ort a fhreagairt tar éis duit clárú. Mar rogha eile, is féidir aiseolas a chur chugainn mar fhreagairt ar an teachtaireacht seo, nó a chur in iúl dúinn go díreach le linn na ceardlainne.

Mar eolas, beidh na freagraí a tugadh ar na ceisteanna a cuireadh le linn na ceardlainne deiridh ar fáil ar shuíomh gréasáin an imeachta go luath.

Tá an clárúchán ar oscailt don 6ú Ceardlann Theicniúil maidir le Ríomhfhoirmeacha, an 26 Meán Fómhair 2023

Is féidir clárú anois don 6ú Ceardlann Theicniúil maidir le Ríomhfhoirmeacha, rud a bheidh ar siúl ar Webex Dé Máirt an 26 Meán Fómhair 2023, 10:00-16:00 am lár na hEorpa. Ní mór clárú roimh 12:00 am lár na hEorpa Dé Luain an 25 Meán Fómhair. Cuirfear treoracha logáil isteach chugat an lá roimh an gcruinniú. Tá an clár ar fáil ar shuíomh gréasáin an imeachta. Déanfar an seisiún a thaifeadadh, mar sin iarrtar ort an ráiteas príobháideachais a léamh.

Má tá aon cheist agat, déan teagmháil le OP-EVENTS@publications.europa.eu

Tábla comhfhreagrach idir gnáthfhoirmeacha TED-XML agus Ríomhfhoirmeacha (03/08/2023)

Leis an gcomhad seo, féadfaidh úsáideoirí fheidhmchlár reatha eNotices (lena ndéantar bainistiú ar ghnáthfhoirmeacha TED, mar a shainmhínítear i Rialachán Cur Chun Feidhme (AE) 2015/1986 ón gCoimisiún) na foirmeacha coibhéiseacha a aimsiú i bhfeidhmchlár nua eNotices2 (lena ndéantar bainistiú ar Ríomhfhoirmeacha, mar a shainmhínítear i Rialachán Cur Chun Feidhme (AE) 2019/1780 ón gCoimisiún).

D’fhéadfadh an tábla a bheith fóinteach d’úsáideoirí a bhaineann úsáid as ardáin eile Ríomhsholáthair le linn an aistrithe ó fhoirmeacha TED-XML go dtí Ríomhfhoirmeacha.

Leagan nua den Fhearas Forbartha Bogearraí Ríomhfhoirmeacha (26/07/2023)

Tá leagan 1.8.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan nua den Fhearas Forbartha Bogearraí Ríomhfhoirmeacha (16/05/2023)

Tá leagan 1.7.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, tugtar tuilleadh eolais maidir le nóid, réimsí agus códliostaí, agus rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Tá an clárúchán ar oscailt don 5ú Ceardlann Theicniúil maidir le Ríomhfhoirmeacha, an 23-24 Bealtaine 2023 (10/05/2023)

Is mian linn cuireadh a thabhairt duit freastal ar an 5ú Ceardlann Theicniúil maidir le Ríomhfhoirmeacha, rud a bheidh ar siúl ar líne ar Webex Déardaoin an 23 Bealtaine 2023, 10:00-16:00 am lár na hEorpa agus Dé Céadaoin an 24 Bealtaine 2023, 10:00-12:00 am lár na hEorpa. Ní mór clárú roimh 12:00 am lár na hEorpa Dé Luain an 22 Bealtaine. Cuirfear treoracha logáil isteach chugat an lá roimh an gcruinniú. Déanfar an seisiún a thaifeadadh, mar sin iarrtar ort an ráiteas príobháideachais a léamh.

Má tá aon cheist agat, déan teagmháil le OP-EVENTS@publications.europa.eu.

Leagan 0.6.0 de Thiontaire TED ó XML go Ríomhfhoirmeacha (17/04/2023)

Tá leagan nua de Thiontaire TED ó XML go Ríomhfhoirmeacha (TEDXDC) foilsithe ar GitHub ag https://github.com/OP-TED/ted-xml-data-converter. Leis an leagan seo den uirlis, is féidir na príomhfhoirmeacha ar fad a thiontú go páirteach le haghaidh scéimre R2.0.9: Fógraí Réamhfhaisnéise, Fógraí Conartha agus Fógraí faoi Dhámhachtain Conartha.

Cuir an dáta sa dialann don Cheardlann le haghaidh athúsáideoirí shonraí TED, an 14 Meitheamh 2023 (27/03/2023)

Mar aon leis an gceardlann a eagraíodh cheana an 27 Meán Fómhair 2022, tá Ceardlann eile le haghaidh athúsáideoirí sonraí TED á hullmhú ag Oifig na bhFoilseachán. Díreoidh an cheardlann seo ar na hábhair seo a leanas:

• Tairseach nua TED atá ar na bacáin - cad iad na hathruithe a bheidh ann d’úsáideoirí?
• Uasdátú maidir le Ríomhfhoirmeacha
• Athúsáid sonraí trí sheirbhís gréasáin shéimeantach nuafhorbartha TED
• Eolas maidir leis an Spás um Shonraí Soláthair Phoiblí.

Beidh an cheardlann ar siúl ar líne Dé Céadaoin an 14 Meitheamh 2023.

Coinnigh an dáta sa dialann. Cuirfear tuilleadh eolais, an clár agus an cuireadh clárúcháin ar fáil in am trátha.

Paistí le haghaidh SDK Ríomhfhoirmeacha 1.3, 1.4, 1.5 eisithe (14/03/2023)

Cuireadh leagan 1.6.0 de SDK Ríomhfhoirmeacha ar fáil inniu, agus cuireadh paistí ar fáil freisin do gach leagan gníomhach eile den SDK. Go sonrach, is iad SDK 1.3.3, SDK 1.4.2, agus SDK 1.5.2 na leaganacha a cuireadh ar fáil.

Sna leaganacha paisteáilte sin, rinneadh uasdátú ar na haistriúcháin ar na lipéid téacs agus ar theimpléid amharcléirithe na bhfógraí. Ní dhearnadh aon athruithe eile ar na leaganacha paisteáilte den SDK.

As seo amach, mar aon le leaganacha nua den SDK, leanfaimid de phaistí a chur amach le haghaidh na seanleaganacha gníomhacha chun go mbeidh aon fheidhmchláir a bhaineann úsáid astu go fóill in ann tairbhe a bhaint as na huasdátuithe ar na haistriúcháin agus ar na teimpléid amharcléirithe.

Cuireadh leaganacha 1.0, 1.1 agus 1.2 den SDK amach sular seoladh Ríomhfhoirmeacha an 14 Samhain 2022, agus cuirfear deireadh leis na leaganacha sin ó thaobh úsáid táirgthe de ón 14 Aibreán 2023. Tar éis an dáta sin, beidh aon eSender a úsáideann SDK níos sine ná leagan 1.3 chun feidhmchláir a fhorbairt in ann na leaganacha sin a rochtain sa timpeallacht réamhamhairc. SDK 1.3 an leagan gníomhach is sine a bheidh in úsáid don táirgeadh.

Tá an clárúchán ar oscailt don 4ú Ceardlann Theicniúil maidir le Ríomhfhoirmeacha, an 28 Márta 2023 (14/03/2023)

Is mian linn cuireadh a thabhairt duit freastal ar an 4ú Ceardlann Theicniúil maidir le Ríomhfhoirmeacha, rud a bheidh ar siúl ar líne ar Webex Dé Máirt an 28 Márta 2023, 10:00-16:00 am lár na hEorpa.

Ní mór clárú roimh 12:00 am lár na hEorpa Dé Luain an 27 Márta. Cuirfear treoracha logáil isteach chugat an lá roimh an gcruinniú.

Déanfar an seisiún a thaifeadadh, mar sin iarrtar ort an ráiteas príobháideachais a léamh.

Má tá aon cheist agat, déan teagmháil le OP-EVENTS@publications.europa.eu.

Leagan nua den Fhearas Forbartha Bogearraí Ríomhfhoirmeacha (14/03/2023)

Tá leagan 1.6.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, tugtar tuilleadh eolais, go háirithe maidir le nóid agus réimsí, agus rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Tá an clárúchán ar oscailt dár 3ú Ceardlann Theicniúil maidir le Ríomhfhoirmeacha, an 1 Feabhra 2023 (17/01/2023)

Is mian linn cuireadh a thabhairt duit freastal ar an 3ú Ceardlann Theicniúil maidir le Ríomhfhoirmeacha, rud a bheidh ar siúl ar líne ar Webex Dé Céadaoin an 1 Feabhra 2023, 10:00-16:00 am lár na hEorpa. Chun an nuacht is déanaí agus na sonraí logáil isteach a fháil, ní mór clárú roimh 18:00 am lár na hEorpa Dé Luain an 30 Eanáir. Déanfar an seisiún a thaifeadadh, mar sin iarrtar ort an ráiteas príobháideachais a léamh.

Má tá aon cheist agat, déan teagmháil le OP-EVENTS@publications.europa.eu.

Coinnigh an dáta: Féilire imeachtaí TED eSenders / Ríomhfhoirmeacha le haghaidh 2023 (21/12/2022)

Tá Oifig na bhFoilseachán sásta a fhógairt go bhfuil an féilire bliantúil d’imeachtaí TED eSenders / Ríomhfhoirmeacha le haghaidh 2023 ar fáil anois.

Coinnigh na dátaí seo thíos i d’fhéilire féin:

• 1 Feabhra (3ú Ceardlann Theicniúil maidir le Ríomhfhoirmeacha)
• 28-29 Márta (4ú Ceardlann Theicniúil maidir le Ríomhfhoirmeacha)
• 23-24 Bealtaine (5ú Ceardlann Theicniúil maidir le Ríomhfhoirmeacha)
• 26-27 Meán Fómhair (6ú Ceardlann Theicniúil maidir le Ríomhfhoirmeacha)
• 12-13 Nollaig (Seimineár Bliantúil eSenders)

Tá na himeachtaí uile dírithe ar Ríomhfhoirmeacha agus is i bhfoirm ceardlann lae nó dhá cheardlann leathlae a bheidh siad. Cuirfear tuilleadh eolais, an clár agus an cuireadh clárúcháin ar fáil in am trátha.

Má tá aon cheist agat, déan teagmháil le OP-EVENTS@publications.europa.eu.

Leagan nua den Fhearas Forbartha Bogearraí Ríomhfhoirmeacha (19/12/2022)

Tá leagan 1.5.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan nua den Fhearas Forbartha Bogearraí Ríomhfhoirmeacha (25/11/2022)

Tá leagan 1.4.0 den Fhearas Forbartha Bogearraí Ríomhfhoirmeacha ar fáil anois ar GitHub.

Sa leagan seo, rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Seimineár bliantúil TED eSenders (12-13 Nollaig 2022)

Ba mhaith linn a chur in iúl duit go bhfuil an clárúchán ar oscailt anois le haghaidh Sheimineár Bliantúil TED eSenders 2022. Beidh an seimineár ar siúl ar líne ar Webex, thar dhá leath lae an 12-13 Nollaig 2022.

Díreoidh seimineár na bliana seo ar chur i bhfeidhm agus pleananna le haghaidh na glúine nuaí de na foirmeacha caighdeánacha leictreonacha (Ríomhfhoirmeacha), rud a cuireadh ar fáil i mí na Samhna 2022.

Chun an nuacht is déanaí agus na sonraí logáil isteach a fháil, ní mór clárú roimh 12:00 am lár na hEorpa Dé hAoine an 9 Nollaig. Déanfar an seisiún a thaifeadadh, mar sin iarrtar ort an ráiteas príobháideachais a léamh.

Má tá aon cheist agat, déan teagmháil le OP-EVENTS@publications.europa.eu.

Táimid ag súil go mór le sibh a fheiceáil ag an Seimineár Bliantúil.

Leagan nua den Fhearas Forbartha Bogearraí Ríomhfhoirmeacha (11/11/2022)

Tá leagan 1.3.2 den Fhearas Forbartha Bogearraí Ríomhfhoirmeacha eisithe againn ar GitHub.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan nua den Fhearas Forbartha Bogearraí Ríomhfhoirmeacha (09/11/2022)

Tá leagan 1.3.1 den Fhearas Forbartha Bogearraí Ríomhfhoirmeacha eisithe againn ar GitHub.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan nua den Fhearas Forbartha Bogearraí Ríomhfhoirmeacha (07/11/2022)

Tá leagan 1.3.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, rinneadh roinnt athruithe agus ceartúchán ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Coinnigh an dáta: Seimineár bliantúil TED eSenders (12-13 Nollaig 2022)

Tá Oifig na bhFoilseachán sásta a fhógairt go mbeidh Seimineár Bliantúil eSenders TED ar siúl ar líne an 12-13 Nollaig 2022.

Coinnigh an dáta sa dialann.

Cuirfear tuilleadh eolais, an clár agus an cuireadh clárúcháin ar fáil in am trátha.

Leagan nua den Fhearas Forbartha Bogearraí Ríomhfhoirmeacha (10/10/2022)

Tá leagan 1.2.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, rinneadh roinnt athruithe ar an ábhar sna meiteashonraí.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan 0.5.0 den Tiontaire TED XML / Ríomhfhoirmeacha (19/09/2022)

Tá leagan nua den Tiontaire TED XML / Ríomhfhoirmeacha (TEDXDC) ar fáil anois ar GitHub ag https://github.com/OP-TED/ted-xml-data-converter.

Is féidir Fógraí Conartha agus Fógraí faoi Dhámhachtain Conartha TED a thiontú leis an leagan seo den uirlis. Is féidir na teachtaireachtaí tuairiscithe a chuirtear chuig an úsáideoir a rialú anois, agus leaganacha ilteangacha na n-eilimintí téacs a láimhseáil.

Leagan nua den Fhearas Forbartha Bogearraí Ríomhfhoirmeacha (15/09/2022)

Tá leagan 1.1.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, rinneadh roinnt athruithe ar an ábhar sna meiteashonraí, go háirithe maidir leis an ábhar a bhaineann leis an leasú ar an Rialachán Ríomhfhoirmeacha atá ar na bacáin.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan nua den Fhearas Forbartha Bogearraí Ríomhfhoirmeacha (05/08/2022)

Tá leagan 1.0.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, tugtar tuilleadh eolais maidir le réimsí, cuireadh struchtúr nua sna comhaid Schematron, agus cuireadh roinnt uasdátuithe agus ceartúchán eile i bhfeidhm.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan 0.4.0 den Tiontaire TED XML / Ríomhfhoirmeacha (02/08/2022)

Tá leagan nua de Thiontaire TED ó XML go Ríomhfhoirmeacha (TEDXDC) foilsithe ar GitHub ag https://github.com/OP-TED/ted-xml-data-converter.

Leis an leagan seo den uirlis, is féidir Fógraí faoi Dhámhachtain Conartha agus cineálacha uile Fógraí Conartha TED a thiontú trí úsáid a bhaint as foirm TED F03.

Leagan nua den Fhearas Forbartha Bogearraí Ríomhfhoirmeacha (19/07/2022)

Tá leagan 0.7.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, tá formáid comhaid nua ar fáil le haghaidh fógraí den chineál ‘sainmhínithe’ agus cuireadh roinnt uasdátuithe agus ceartúchán i bhfeidhm. Chomh maith leis sin, cuireadh rialacha nua Schematron ann, agus rinneadh uasdátú ar na réimsí sna meiteashonraí agus ar na fógraí samplacha.

Chun tuilleadh eolais a fháil, féach an loga athruithe atá ag gabháil leis an bhFearas Forbartha Bogearraí.

Tiontaire TED XML / Ríomhfhoirmeacha (23/05/2022)

Tá an Tiontaire TED XML / Ríomhfhoirmeacha (TEDXDC) á fhorbairt chun cuidiú le heagraíochtaí a fhoilsíonn fógraí soláthair an t-aistriú a dhéanamh chuig Ríomhfhoirmeacha. Leis an uirlis seo, is féidir fógraí a foilsíodh i scéimrí TED a thiontú isteach i ndréachtleagan den fhógra Ríomhfhoirmeacha céanna.

Tá an leagan is déanaí ar fáil ar GitHub anois. Leis an leagan seo den uirlis, is féidir Fógraí Conartha a foilsíodh le scéimre TED XML R.2.0.9 a thiontú.

Uasdátú ar na samplaí amharcléirithe Ríomhfhoirmeacha (11/05/2022)

Sa chomhad HTML seo, cuirtear sonraí samplacha ar fáil chun go mbeidh sé níos éasca breathnú ar struchtúr Amharcóir TED agus a thuiscint conas a thagann na heilimintí le chéile, agus is féidir athrú idir cineálacha éagsúla fógraí freisin.

I gcomparáid leis na samplaí ó mhí Iúil 2021, is é an t-athrú struchtúrtha is mó ná an cinneadh an t-eolas ar fad, nach mór, faoin eagraíocht a chur le chéile in aon rannán amháin.

Níl an leagan reatha críochnaithe go fóill ach tá sé an-chosúil leis an leagan amach a bheidh ar an leagan críochnaithe d’Amharcóir TED.

Leagan nua den Fhearas Forbartha Bogearraí Ríomhfhoirmeacha (10/05/2022)

Tá leagan 0.6.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, tugtar eolas struchtúrtha maidir le hamharcléiriú fhógraí Ríomhfhoirmeacha, agus cuireadh roinnt uasdátuithe agus ceartúchán i bhfeidhm. Chomh maith leis sin, cuireadh rialacha nua sna comhaid Schematron, agus rinneadh uasdátú ar na códliostaí agus ar na fógraí samplacha.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

An mhapáil tosaigh ar scéimre TED-XML atá ann cheana go dtí Ríomhfhoirmeacha (13/04/2022)

Chun tacú leis an aistriú idir an dá fhormáid sonraí, tá mapáil á déanamh ag Oifig na bhFoilseachán idir réimsí an scéimre reatha TED-XML agus scéimre Ríomhfhoirmeacha.

Leis an mapáil sin in Excel, táthar ag tógáil ar an mapáil a rinne an Coimisiún Eorpach ar na téarmaí gnó anuraidh agus tá an obair sín á críochnú leis an mapáil theicniúil idir réimsí TED-XML agus réimsí scéimre Ríomhfhoirmeacha ar leibhéal Xpath.

Níl gach foirm chaighdeánach san áireamh agus níl ceangal gnó díreach idir gach foirm chaighdeánach agus gach fógra Ríomhfhoirmeacha.

Tá an comhad Excel seo á chur ar fáil “mar atá” agus is féidir é a úsáid mar threoir. Ní dhéanfar aon uasdátú air amach anseo, ach fáiltítear roimh aon aiseolas ag ted@publications.europa.eu

Amach anseo, comhroinnfidh Oifig na bhFoilseachán na comhaid XSLT le cur i bhfeidhm iarbhír na mapála seo, rud a dhéanfar a uasdátú de réir a chéile agus a bheidh in úsáid ag seirbhís tiontaithe.

Má thiontaítear comhad TED-XML, beidh XML Ríomhfhoirmeacha neamhbhailí ann i gcónaí, toisc nach bhfuil gach réimse ann, mar shampla, nó toisc nach féidir réimsí téacs a thiontú isteach i luachanna ar an gcódliosta. Ina ainneoin sin, ba cheart go mbeadh úsáideoirí in ann úsáid a bhaint as an uirlis chun an méid is mó is féidir ó na fógraí reatha a thabhairt isteach san fhormáid nua, mar shampla, nuair atá siad ag leanúint le próiseas a bhfuil forluí ann idir an dhá scéimre.

Coinnigh an dáta: Ceardlann Theicniúil maidir le Ríomhfhoirmeacha, Bealtaine 2022

Tá ceardlann theicniúil maidir le Ríomhfhoirmeacha á heagrú ag Oifig na bhFoilseachán, chun eolas a roinnt le eSenders agus lena gcuid forbróirí maidir le stádas chur i bhfeidhm Ríomhfhoirmeacha.

Beidh an cheardlann ar siúl ar líne ar maidin an 11-12 Bealtaine 2022 araon, agus baineann sé go sonrach le Ríomhfhoirmeacha (an ghlúin nua foirmeacha caighdeánacha leictreonacha) agus lena gcur i bhfeidhm teicniúil; ní hé go bhfuil an cheardlann seo cur in áit sheimineár bliantúil eSenders.

Coinnigh an dáta sa dialann.

Cuirfear tuilleadh eolais, an clár agus an cuireadh clárúcháin ar fáil in am trátha.

Leagan nua den Fhearas Forbartha Bogearraí Ríomhfhoirmeacha (21/01/2022)

Tá leagan 0.5.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, soláthraítear na códliostaí a úsáidtear i Ríomhfhoirmeacha agus eolas struchtúrtha maidir leis na cineálacha éagsúla fógraí a bhfuil cur síos orthu sa Rialachán Ríomhfhoirmeacha. Feabhsaíodh an t-eolas a chuirtear ar fáil maidir leis na réimsí, agus cuirtear suíomh gach réimse i struchtúr na bhfógraí XML in iúl freisin. Ina theannta sin, rinneadh ceartúcháin bheaga sa leagan seo ar na comhaid XSD i scéimre Ríomhfhoirmeacha, cuireadh rialacha nua sna comhaid Schematron, agus rinneadh uasdátú ar na fógraí samplacha.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Seimineár eSenders 2021

Beidh Seimineár Bliantúil eSenders TED ar siúl thar thrí leath lae ón 8-10 Samhain 2021. Díreoidh seimineár na bliana seo ar chur i bhfeidhm na glúine nuaí d’fhoirmeacha caighdeánacha leictreonacha (Ríomhfhoirmeacha), rud a bheidh ar fáil i mí na Samhna 2022.

Is féidir tuilleadh eolais a fháil agus breathnú ar an gclár anseo: https://op.europa.eu/ga/web/ted-esenders-webinar-2021/home

Leagan nua den Fhearas Forbartha Bogearraí Ríomhfhoirmeacha (14/10/2021)

Tá leagan 0.4.0 den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, cuireadh tuilleadh eolais ar fáil maidir leis na réimsí a úsáidtear i bhfógraí Ríomhfhoirmeacha, agus rinneadh aistriúcháin bhunúsacha ar lipéid agus téacsanna gearra áirithe. Chomh maith leis sin, tá leagan nua de na comhaid XSD i scéimre Ríomhfhoirmeacha ar fáil, a bhfuil athruithe agus ceartúcháin bheaga déanta orthu, cuireadh rialacha nua sna comhaid Schematron agus rinneadh uasdátú ar na fógraí samplacha.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan nua den Fhearas Forbartha Bogearraí Ríomhfhoirmeacha (03/09/2021)

Tá mionleagan nua den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, cuireadh leagan nua de na comhaid XSD i scéimre Ríomhfhoirmeacha ar fáil, agus rinneadh athruithe ar struchtúir na bhFógraí Athraithe agus na bhFógraí Modhnaithe Conartha. Tá leaganacha úra de na comhaid Schematron, fógraí samplacha agus tuarascálacha bailíochtaithe san áireamh sa leagan seo freisin.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Leagan nua den Fhearas Forbartha Bogearraí Ríomhfhoirmeacha (04/08/2021)

Tá mionleagan nua den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, cuirtear formáid nua (Asciidoc agus HTML) ar fáil le haghaidh dhoiciméid Ríomhfhoirmeacha.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Fógraí Samplacha Ríomhfhoirmeacha (23/07/2021)

Tá leaganacha sealadacha de na fógraí riachtanacha (40 ceann san iomlán) ar fáil i bhformáid PDF anseo.

Ba mhór againn aon aiseolas a fháil maidir leis na fógraí samplacha sin. Ba cheart aiseolas a chur chugainn trí deasc chabhrach roimh an 31 Lúnasa, agus ba cheart “Ríomhfhoirmeacha” a lua sa líne ábhair.

Leagan nua den Fhearas Forbartha Bogearraí Ríomhfhoirmeacha (25/05/2021)

Tá leagan nua den Fhearas Forbartha Bogearraí Ríomhfhoirmeacha eisithe againn ar GitHub.

Sa leagan seo, cuireadh leagan nua de na comhaid XSD i scéimre Ríomhfhoirmeacha ar fáil, agus rinneadh athruithe ar struchtúir na bhFógraí Athraithe agus na bhFógraí Modhnaithe Conartha, chomh maith le mionathruithe eile. Tá leaganacha úra de na comhaid Schematron, fógraí samplacha agus tuarascálacha bailíochtaithe san áireamh sa leagan seo freisin.

Chun tuilleadh eolais a fháil, féach an loga athruithe a ghabhann leis an bhfearas forbartha bogearraí (SDK).

Comhfhreagairt na dtéarmaí gnó Ríomhfhoirmeacha den chineál ‘Cód’ do EU Vocabularies (07/05/2021)

Tá tábla ar fáil anseo ina ndéantar cur síos ar an gcomhfhreagairt idir na códliostaí a fhoilsítear ar shuíomh gréasáin EU Vocabularies agus na téarmaí gnó den chineál ‘Cód’ dá dtagraítear i dTábla 2 de Rialachán (AE) 2019/1780: ‘Réimsí i bhfoirmeacha caighdeánacha agus i bhfógraí’.

Fearas Forbartha Bogearraí Ríomhfhoirmeacha (08/03/2021)

Mar chuid den fhorbairt leanúnach ar Ríomhfhoirmeacha, tá an chéad leagan den Fhearas Forbartha Bogearraí Ríomhfhoirmeacha ar fáil anois ar GitHub. Tagann an leagan seo in áit leaganacha eile den scéimre sealadach Ríomhfhoirmeacha a bhí ann roimhe seo.

Mar chuid de SDK Ríomhfhoirmeacha, bailítear roinnt gnéithe éagsúla de Ríomhfhoirmeacha le chéile darb aidhm tacar uirlisí níos iomláine a chur ar fáil d’fheidhmeoirí chun feidhmchláir Ríomhfhoirmeacha a fhorbairt. Sa chéad leagan seo, ní dhearnadh aon athrú ar na comhaid XSD Ríomhfhoirmeacha, agus tá siad díreach mar an gcéanna leis na comhaid a cuireadh amach trí SIMAP an 13/11/2020. Tá roinnt acmhainní breise ar fáil ann, áfach:

• Fógraí samplacha XML.
• Tuarascálacha bailíochtaithe samplacha.
• Tacar rialacha sealadacha bailíochtaithe Schematron, a úsáidtear chun na rialacha gnó agus struchtúrtha a eascraíonn as na Ríomhfhoirmeacha agus na rialacháin lena mbaineann a fhorfheidhmiú.
• Doiciméid mhionsonraithe maidir leis na scéimrí agus a n-úsáid le haghaidh Ríomhfhoirmeacha.
• An leagan reatha de scéimre Ríomhfhoirmeacha bunaithe ar UBL 2.3.

Tá roinnt buntáistí ag baint le GitHub a úsáid chun an SDK a óstáil.

• Seoltar amach fógraí uathoibríocha maidir le leaganacha nua
• Is féidir comparáid éasca a dhéanamh idir na leaganacha
• Féadfaidh feidhmeoirí Ríomhfhoirmeacha spleáchas leaganacha a úsáid chun an fhorbairt a dhéanann siad a ailíniú

Leanfaimid orainn d’fheabhas a chur ar SDK Ríomhfhoirmeacha agus de leaganacha nua a fhoilsiú ar GitHub ar bhonn rialta.

Cuirimid fáilte roimh aiseolas agus tuairimí maidir leis an SDK. Ba cheart aiseolas a chur chugainn trí deasc chabhrach, agus ba cheart “Ríomhfhoirmeacha” a lua sa líne ábhair.

Lean SDK Ríomhfhoirmeacha ar GitHub

Leagan sealadach de scéimre Ríomhfhoirmeacha (13/11/2020)

Leis an leagan sealadach seo den scéimre, táimid gar do leagan críochnaithe.

Cumhdaítear na cineálacha foirmeacha go léir sa leagan seo:

• An 40 Foirm Iarscríbhinne den Rialachán (1 go 40),
• Na foirmeacha leathnaithe (E1 go E5),
• Na foirmeacha eile (CEI, X01, X02, T01, T02).

Déantar cur síos ar na heilimintí nua sa nóta eisiúna, agus is leis na Ríomhfhoirmeacha leathnaithe a bhaineann formhór na n-eilimintí nua sin (foirmeacha E1 go E5).

Mar gheall ar na difríochtaí idir na samhlacha, tá difríochtaí áirithe ann idir an Iarscríbhinn den Rialachán agus na Scéimrí (bunaithe ar chaighdeán UBL); déantar cur síos ar na difríochtaí sin sa doiciméad seo a leanas.

Leagan sealadach de scéimre Ríomhfhoirmeacha v. 1.1 (14/09/2020)

Is éard atá sa leagan seo leagan sealadach de na scéimrí ina gcumhdaítear na foirmeacha seo a leanas chomh maith:

• Glao ar léiriú spéise (le húsáid ag institiúidí, comhlachtaí agus gníomhaireachtaí de chuid an Aontais amháin) (CEI), Fógra Eolais maidir le Cuideachta Eorpach (CE 2157/2001) nó Comharchumann Eorpach (CE 1435/2003) (X01), Nóta Eolais maidir le Grúpáil Eorpach um Leas Eacnamaíoch (CEE 2137/85) (X02)
• Foirmeacha a bhaineann le Rialachán 1370/2007 - an t-iompar phoiblí do phaisinéirí d’iarnród agus de bhóthar (T01, T02)

Tá sé bunaithe ar UBL, 2.3, an leagan is déanaí, agus d’fhéadfaí tuilleadh athruithe a dhéanamh air amach anseo.

Aitheantóirí Ríomhfhoirmeacha v. 1.0 (29/05/2020)

Tá leagan 1.0 den scarbhileog maidir le haitheantóirí Ríomhfhoirmeacha ar fáil anseo thíos.

Ní leagan críochnaitheach atá i gceist leis an leagan seo, agus d’fhéadfaí athruithe a dhéanamh orthu amach anseo.

Doiciméid Ríomhfhoirmeacha v. 1.1 agus leagan sealadach XPATH v. 1.0 (25/05/2020)

Tá an dara leagan de na doiciméid maidir le scéimrí Ríomhfhoirmeacha agus leagan 1.0 den mhapáil idir réimsí Ríomhfhoirmeacha agus na Téarmaí Gnó ar fáil anseo thíos.

Ní leagan críochnaitheach atá i gceist leis an leagan seo, agus d’fhéadfaí athruithe a dhéanamh orthu amach anseo.

Leagan sealadach de dhoiciméid Ríomhfhoirmeacha (13/03/2020)

Sa doiciméad seo, déantar tagairt do leagan sealadach na scéimrí Ríomhfhoirmeacha a foilsíodh an 20/12/2019.

D’fhéadfaí athruithe a dhéanamh ar na scéimrí agus ar na doiciméid sin. Ba cheart a mheas gur leagan sealadach atá sa leagan seo, dá bhrí sin.

Leagan sealadach de scéimrí Ríomhfhoirmeacha (20/12/2019)

Leagan sealadach de na scéimrí is ea an leagan seo. Tá sé bunaithe ar leagan sealadach de na cineálacha doiciméad Réamh-dhámhachtana UBL 2.3. agus níl sé réidh le húsáid go fóill; d’fhéadfaí athruithe a dhéanamh ar an leagan seo.

Seo thíos an cur chuige a glacadh: coimeádfar an tacar iomlán eilimintí UBL ach ní thacófar ach le húsáid fo-thacair eilimintí.

Buntáistí:

• Tá na rialacha lasmuigh den scéimre,
• Is féidir réimsí breise a chur le heilimint UBL atá ann cheana gan scéimre nua a shainiú,
• Is féidir níos mó eilimintí a athúsáid agus idirthuilleamaíochtaí á laghdú oiread is féidir. In éineacht leis na sásraí chun iompórtáil agus chun cur san áireamh, simpleofar an próiseas comhtháite do gach comhpháirt nua a eiseofar,
• I gcás eilimintí atá riachtanach sna Ríomhfhoirmeacha ach atá roghnach in UBL, leagtar amach rialacha sonracha. Leis an gcur chuige riailbhunaithe, laghdaítear an tionchar a bhíonn ag athruithe (e.g.: má dhéantar athrú rialála maidir le gné riachtanach, ní bheidh le déanamh ach riail a uasdátú).

Cuirfear tuilleadh eolais ar fáil go luath. Is féidir ceisteanna agus tuairimí a chur chuig an deasc chabhrach, agus “Ríomhfhoirmeacha” a lua sa líne ábhair.