Sit web uffiċjali tal-Unjoni Ewropea
Skopri aktar dwar il-politika tal-użu ġust fuq it-TED
Biex aktar u aktar utenti jkunu jistgħu jgawdu s-servizzi tagħna, daħħalna għadd ta’ regoli li jiddefinixxu l-politika tal-użu ġust li qed inħaddmu bħalissa fuq it-TED. Il-limiti msemmija hawn taħt jirrappreżentaw l-għadd massimu tat-talbiet li jistgħu jsiru tul il-perjodi taż-żmien indikati għall-operazzjonijiet partikolari.
| Operazzjoni | Limiti |
| Ara jew niżżel l-avviżi minn IP unika | 600 viżwalizzazzjoni jew download f’inqas minn 6 minuti |
| Talbiet HTTP | 700 talba fl-aħħar minuta |
| Servizz HTTPS għad-download tal-pakketti ta’ kuljum jew ta’ kull xahar | 3 downloads simultanji |
L-arkitettura tal-portal TED tfasslet kif ġej:
- Il-paġni web huma mħaddmin kollha kemm huma minn CMS li tipprovdi esperjenza aħjar lill-utenti u li tfasslet skont il-ħtiġijiet tagħhom. Din is-CMS hi effiċjenti meta topera f’ċerta firxa ta’ tagħbijiet.
- L-API pubblika ddedikata li tfittex l-avviżi u link diretta għad-download tal-kontenut tagħhom hija għodda effiċjenti u skalabbli.
Għaldaqstant, l-Uffiċċju tal-Pubblikazzjonijiet jirrakkomanda ferm li l-utenti tekniċi jużaw l-API pubblika ħalli jgawdu l-prestazzjoni u l-iskalabbiltà tagħha, filwaqt li jħallu r-riżorsi tas-CMS disponibbli għall-utenti ordinarji.
Issa li taf kif taħdem is-sistema tagħna, nawgurawlek li tibbenefika mis-sit web tat-TED! Aktar gwida tinsab fil-help page u fit-tutorials tagħna. Jekk għandek xi mistoqsijiet, tista’ tikkuntattjana direttament mill-OP TED Helpdesk.
