Ingħaqad magħna f’Ottubru li ġej fil-Ġimgħa Ewropea tar-Reġjuni u l-Bliet 2025 (#EURegionsWeek)! Skopri kif id-data hija essenzjali għall-iżvilupp ta’ bliet intelliġenti, li jippermettu deċiżjonijiet infurmati u li jħallu impatt, b’informazzjoni affidabbli.

Attendi s-sessjoni ta’ ħidma tagħna, “Cities leveraging data for impact – showcasing real-life success stories,” fi Brussell fl-14 ta’ Ottubru 2025, mid-9:30 sal-10:30 CET. B’eżempji mill-ħajja reali mill-bliet ta’ Dublin u Varsavja, esplora r-rwol kritiku tad-data fit-tiswir ta’ ambjenti urbani innovattivi u sostenibbli. Sir af kif il-bliet jistgħu jibdlu d-data f’azzjoni — filwaqt li jippromwovu t-tkabbir, jittrasformaw l-involviment pubbliku u jfasslu servizzi li ġenwinament jirriflettu l-ħtiġijiet taċ-ċittadini.

Ibbukkja l-post tiegħek malajr għax l-ispazju limitat!

Matul il-Ġimgħa Ewropea tar-Reġjuni u l-Bliet 2025, żur l-istand tagħna biex issir taf kif tista’ tibbenefika mill-innovazzjonijiet tal-UE. Sir af kif l-intraprendituri jaċċessaw kompetizzjoni ġusta permezz tat-TED, il-pjattaforma ċentrali uffiċjali li tipprovdi aċċess bla ħlas għal opportunitajiet ta’ negozju mill-UE u lil hinn minnha, u l-Ispazju tad-Data dwar l-Akkwist Pubbliku. Ara kif ir-riċerkaturi u l-innovaturi jisfruttaw ir-riżultati tar-riċerka ffinanzjata mill-UE minn CORDIS, il-portal uffiċjali għall-informazzjoni dwar ir-riżultati tar-riċerka ffinanzjata mill-UE, u d-data miftuħa minn data.europa.eu, il-portal uffiċjali għad-data Ewropea, biex jinħolqu soċjetajiet aktar kompetittivi u mmexxija mid-data.