Punt 1 – Inventarju.
Is-servizzi kollha meħtieġa għall-ipproċessar tal-inventarju ddettaljat u aġġornat tas-sistemi ta' kostruzzjoni kollha u tal-elementi arkitettoniċi ta' xogħlijiet strutturali, ta' rfinar u ta' għamara ta' barra tal-proprjetà immobbli tal-Qorti.
Is-servizzi jinkludu:
— id-definizzjoni tal-istruttura ddettaljata tal-inventarju;
— ġbir tad-dokumenti meħtieġa għall-ħolqien tal-inventarju;
— skeda tax-xogħlijiet fuq il-pjanta u fuq is-sit;
— kontrolli fuq is-sit;
— sommarju tal-informazzjoni;
— formattjar tad-data, ipproċessar tal-bażi ta' data u integrazzjoni tal-inventarju fis-softwer magħżul mill-Qorti għall-immaniġġjar tal-inventarju.
Punt 2 – Spezzjonijiet.
Twettiq tal-ispezzjonijiet tal-elementi ta' kostruzzjoni kollha tax-xogħlijiet strutturali, tal-irfinar u l-għamara ta' barra hija inkluża f'dawn is-servizzi, anke jekk ma jkunux imniżżla direttament fl-inventarju.
L-ispezzjonijiet li għandhom jitwettqu huma ta' żewġ tipi:
— l-ispezzjonijiet perjodiċi: spezzjonijiet ippjanati bi frekwenza stabbilita fil-programm ta' spezzjonijiet;
— l-ispezzjonijiet mhux perjodiċi: spezzjonijiet mhux previsti fil-programm tal-ispezzjonijiet iżda li l-ispettur jew il-Qorti jqisu neċessarji li jiġu organizzati.
Punt 3 – Servizzi temporanji fuq talba.
Servizzi speċifiċi li għandhom jitwettqu skont il-ħtiġijiet tar-riżultati tal-ispezzjonijiet preliminari u li ma jinsabux fil-punti l-oħra.
Dawn is-servizzi jikkonsistu l-aktar:
— fit-tfassil ta' rapporti ta' analiżi tal-problemi jew l-analiżi tal-istabbiltà tal-istrutturi;
— it-twettiq ta' testijiet u eżaminazzjonijiet fil-laboratorju;
— il-kiri ta' strumenti ta' kejl speċifiċi mhux regolari;
— it-twettiq ta' testijiet jew estrazzjoni ta' kampjuni fuq is-sit li jeħtieġu operaturi jew tekniċi speċjalizzati f'qasam konkret.