Cuardaigh & Brabhsáil

Fógraí a chuardach

Is féidir leat rogha a dhéanamh idir na 3 chineál cuardaigh chun fógraí a chuardach:

• Mearchuardach
• Cuardach casta
• Sainchuardach

Raon feidhme an chuardaigh

Tá 3 raon cuardaigh fhéideartha ann, ag brath ar an raon feidhme atá uait: 

• Eagrán reatha IO S — fógraí arna bhfoilsiú san eagrán reatha IO S.
• Fógraí gníomhacha — cuireann sé srian leis an gcuardach do na fógraí is déanaí. Is iondúil go mbaineann sé sin le fógraí “Pleanála”, iad siúd a seoladh lena bhfoilsiú le 364 lá anuas; le haghaidh fógraí maidir le “Comórtas”, déanfaidh sé cuardach ar fhógraí nach bhfuil an spriocdháta ina leith thart; agus le haghaidh fógraí maidir le “Toradh”, is iad fógraí a seoladh lena bhfoilsiú le 99 lá anuas an raon atá i gceist.
• Gach fógra — cuardaigh fógraí le 10 mbliana anuas (sonraí ar fáil ón 1/1/2014)

Leis an rogha ‘gan ach na leaganacha is déanaí san áireamh’, déantar seanleaganacha d’fhógra a scagadh amach agus ní thaispeánfar ach an leagan is déanaí de sna torthaí cuardaigh. Is éard a chiallaíonn sin, má foilsíodh fógraí maidir le hathrú, go dtaispeánfar an fógra maidir le hathrú is déanaí. Tá na seanleaganacha den fhógra agus na huimhreacha foilseacháin a ghabhann leo ar TED go fóill, ach ní thaispeánfar iad sna torthaí cuardaigh má chuirtear tic leis an rogha seo.

Mearchuardach

Trí “Mearchuardach” is féidir le húsáideoirí atá logáilte isteach agus le haoi-úsáideoirí fógraí a chuardach, ach:

• i gcás aoi-úsáideoirí, is é “Fógraí gníomhacha” an raon feidhme réamhshocraithe
• i gcás úsáideoirí atá logáilte isteach, is é an raon feidhme réamhshocraithe an ceann a roghnaigh an t-úsáideoir ina chuid sainroghanna.

Ceadaítear leis an mearchuardach cuardach téacs iomlán a dhéanamh tríd an eochairfhocal is mian leat a chuardach a shonrú.

Déantar an cuardach ar théacs iomlán gach fógra agus ar gach lipéad códluachanna, mar a thaispeánfar sna fógraí agus i ngach teanga.

Ina theannta sin, is féidir leat na nithe seo a leanas a úsáid:

• Saoróga:
  • comharthaí athfhriotail (“ ”) chun cuardach a dhéanamh ar fhrása ar leith
    • Sampla: Ní aimsítear le “Talmhaíocht agus Bia” ach an frása Talmhaíocht agus Bia
  • réiltín (*) in ionad aon líon carachtar
    • Sampla: aimseofar le “transport*” transportation, transporting, etc.
  • comhartha ceiste (?) in ionad carachtar aonair amháin i do théarma cuardaigh chun éagsúlachtaí lena mbaineann a aimsiú
    • Sampla: aimsítear le “ca?e” case, cane, care etc.
• Uimhir fhoilsithe an fhógra:
  • Is féidir leat cuardach a dhéanamh ar fhógra aonair
    • Sampla: aimsítear le "665741-2023" an fógra sonrach
  • Is féidir leat cuardach a dhéanamh ar roinnt fógraí
    • Sampla: Aimsítear le "665741-2023 665740-2023" an dá fhógra.

Cuardach casta

Is féidir leat tosú ar an leathanach seo trí raon cuardaigh a roghnú. Is féidir ansin critéar amháin nó níos mó a chur i bhfeidhm ó roinnt grúpaí critéar chun fógraí a chuardach. Do na grúpaí critéar go léir, tá leid uirlise (ainliú luiche) ann ina ndéantar cur síos orthu.

Is iad seo a leanas na grúpaí critéar:

• Téacs
  • Tá an fheidhmiúlacht chéanna aige sin agus atá ag “Mearchuardach”. Ceadaítear leis cuardach téacs iomláin a dhéanamh tríd an eochairfhocal is mian leat a chuardach a shonrú.
• Deiseanna gnó
  • Pleanáil — cuardach le haghaidh:
    • “Fógra maidir le fógra réamhfhaisnéise nó fógra faisnéise tréimhsiúla a fhoilsiú ar phróifíl cheannaitheora”;
    • “Fógra réamhfhaisnéise nó fógra táscach tréimhsiúil nach n-úsáidtear ach ar mhaithe le faisnéis”;
    • “Fógra réamhfhaisnéise nó fógra táscach tréimhsiúil a úsáidtear chun teorainneacha ama a ghiorrú chun tairiscintí a fháil”;
    • “Fógra réamhfhaisnéise le haghaidh seirbhísí poiblí iompair do phaisinéirí”.
  • Comórtas — cuardach le haghaidh:
    • Fógra conartha — réimeas éadrom;
    • Fógra conartha nó lamháltais — réimeas caighdeánach;
    • Fógra faoi iomaíocht dearaidh;
    • Fógra go bhfuil córas cáilíochtaí ann;
    • Fógra réamhfhaisnéise nó fógra táscach tréimhsiúil a úsáidtear mar ghlao ar iomaíocht — córas éadrom;
    • Fógra réamhfhaisnéise nó fógra táscach tréimhsiúil a úsáidtear mar ghlao ar iomaíocht — córas caighdeánach;
    • Fógra fochonraitheoireachta.
  • Toradh — cuardach le haghaidh
    • Fógra dámhachtana conartha nó lamháltais — réimeas caighdeánach;
    • Fógra dámhachtana conartha nó lamháltais — réimeas éadrom;
    • Fógra maidir le toradh iomaíochta dearaidh;
    • Fógra dámhachtana conartha le haghaidh seirbhísí poiblí iompair do phaisinéirí.
  • Roghanna eile — an cineál fógra a roghnú ó liosta mionsonraithe.
• Ábhar an chonartha
  • Stór focal comhchoiteann um sholáthar (CPV — common procurement vocabulary) — cuardach de réir grúpa táirgí agus a aicmithe trí úsáid a bhaint as an gcód CPV, e.g., táirgí ceimiceacha (cód CPV 24000000), gáis (cód CPV 24100000). Bain úsáid as an leid uirlise le haghaidh tuilleadh eolais ar chóid CPV.
  • Cineál an chonartha — cuardach de réir cineál conartha, e.g. oibreacha nó soláthairtí.
  • Láthair na feidhmíochta — cuardach a dhéanamh trí úsáid a bhaint as príomhláthair na n-oibreacha, an tseachadta nó na feidhmíochta.
  • Luach soláthair iomlán — cuardach a dhéanamh de réir na méideanna a léirítear i réimse “Luach iomlán measta an tsoláthair” le haghaidh glaonna ar thairiscintí agus de réir réimse “Luach iomlán an tsoláthair” le haghaidh dámhachtainí conartha (íosluach agus/nó uasmhéid), chomh maith le hairgeadra sonrach na tairisceana.
• Nós imeachta
  • An cineál nóis imeachta — cuardach de réir an chineáil nóis imeachta a úsáidtear le haghaidh cuireadh chun tairisceana, e.g. nós imeachta oscailte, idirbheartaithe.
  • Teangacha inar féidir tairiscintí a chur isteach — cuardach a dhéanamh ar fhógraí ina gceadaítear do thairgeoirí ionchasacha iarratais a chur isteach chun páirt a ghlacadh i dtairiscintí i dteanga (nó i dteangacha) ar leith
• Dáta
  • Dáta foilsithe — an dáta ar ar foilsíodh an fógra.
  • Spriocdháta chun tairiscintí a chur isteach — an spriocdháta faoina gcaithfear tairiscintí nó iarratais a chur isteach.
  • Spriocdháta d'iarrataí ar dhoiciméid — spriocdháta faoinar féidir leis an tairgeoir ionchasach doiciméid tairisceana a iarraidh.
• Foilsithe san Fhorlíonadh leis an Iris Oifigiúil
  • Uimhir eagráin IO S — fógraí arna bhfoilsiú in eagrán áirithe de chuid IO S.
  • Uimhir fhoilsithe an fhógra — e.g. 255076-2016, 2016/S 107-255076.
• Ceannaitheoir
  • Ainm oifigiúil — ainm an cheannaitheora.
  • Uimhir chláraithe náisiúnta — e.g, ULG BE 0325 777 171.
  • Tír — an áit ina bhfuil an ceannaitheoir bunaithe.
  • Baile/cathair — an áit ina bhfuil an ceannaitheoir bunaithe
  • Cineál ceannaitheora — e.g. údarás réigiúnach, institiúid Eorpach, comhlacht nó gníomhaireacht, eagraíocht idirnáisiúnta
  • Príomhghníomhaíocht — an phríomhghníomhaíocht atá cumhdaithe ag an gconradh, e.g. oideachas, sláinte, tithíocht agus áiseanna pobail
• Cistiú — cuardach de réir cineál cistiúcháin, e.g. cláir chabhrach seachtraí
• Bunús dlí — an treoir nó na treoracha soláthair phoiblí nó an rialachán nó na rialacháin de chuid an Aontais faoinar eisíodh an fógra.

Sainchuardach

Is féidir leat tosú trí raon cuardaigh a roghnú.

Is féidir leat tús a chur le d’iarratas cuardaigh a chlóscríobh i mbosca ionchuir an rannán iarratais “Sainchuardach”.

• Is féidir na hoibreoirí Boole a chlóscríobh go díreach isteach sa bhosca ionchuir, nó mar mhalairt air sin is féidir leat na cnaipí oibreora a úsáid ar an taobh deas chun iad a chur le d’iarratas go héasca.

• Is féidir na Réimsí cuardaigh a chlóscríobh go díreach isteach sa bhosca ionchuir. Agus tú ag clóscríobh, molfaidh an córas réimsí cuardaigh a mheaitseálann an ionchur a cuireadh ar fáil cheana. Féadfar an fheidhmiúlacht uathchríochnaithe a úsáid i measc na moltaí atá ar fáil. De rogha air sin, is féidir leat luachanna cóid a chuardach laistigh den rannán “Réimse Cuardaigh” atá suite faoi bhun an bhosca ionchuir. Sa rannán seo, is féidir leat réimse cuardaigh a roghnú agus na luachanna roghnaithe comhfhreagracha a chur go díreach le d’iarratas.

• Is féidir leat féachaint ar na luachanna a nglactar leo mar chód nó mar théacs tríd an gcnaipe raidió ar leith a roghnú os cionn an bhosca iarratais.

• Ar deireadh, ag am ar bith is féidir leat an t-iarratas saineolach a bhailíochtú, agus an cnaipe sonrach “Seiceáil comhréir” á roghnú agat.

Ní mór duit smaoineamh ar na rialacha comhréire seo a leanas:

Is féidir leat teanga iarratais chaighdeánaithe (teanga choiteann na n-orduithe) a úsáid chun do chuardach a dhéanamh:

• is féidir saoróg (*) nó carachtar aonair (?) a úsáid le haghaidh téarma cuardaigh.
• ní imríonn úsáid comharthaí dúbailte athfhriotail (nó easpa a n-úsáide) tionchar ar na torthaí cuardaigh ach amháin nuair a úsáidtear iad le réimse téacs chun cuardach a dhéanamh ar an bhfrása cruinn agus é sin amháin. Mar shampla:
  • is ionann an t-iarratas CY=FRA agus an t-iarratas CY="FRA"
  • is ionann an t-iarratas AU~Council agus an t-iarratas AU~"Council", ós aon fhocal amháin é
  • ACH tá an t-iarratas AU~Council of the neamhbhailí, cé go bhfuil an t-iarratas AU~"Council of the" bailí agus go dtabharfadh sé fógraí ar ais sa chás go bhfuil an frása "Council of the“ ann i réimse AU, i.e. fógraí i gcás inarb é Comhairle an Aontais Eorpaigh an tÚdarás Dámhachtana.
• Más mian leat roinnt luachanna a chuardach i réimse, ní mór iad sin a chur i lúibíní agus iad a nascadh le hoibreoirí Boole, i.e., AU~(Council AND Union), CY=(FRA OR ITA).
• Is féidir túslitir a úsáid chun tréimhse ama a chuardach i mód saineolaithe (i.e. conradh-fad-tréimhse-beart=5d). Is iad “d” don lá ,”w” don tseachtain,”m” don mhí agus “y” don bhliain na túslitreacha a cheadaítear, beag beann ar an teanga brabhsála (i.e. beidh “d” i gcónaí mar “d” is cuma cén teanga brabhsála atá i gceist). Is é lá an tréimhse ama réamhshocraithe.

Is iad seo a leanas oibreoirí Boole:

Samplaí:

Brabhsáil de réir ábhair

Ag am ar bith, agus tú ag nascleanúint chuig suíomh gréasáin TED, tríd an “Rannán cuardaigh”, is féidir leat cuardach a dhéanamh ar fhógraí trí rogha a dhéanamh le brabhsáil de réir ábhair ar leith:

• Deis ghnó
• An earnáil ghnó (CPV)
• Láthair na feidhmíochta

De réir réamhshocraithe, taispeántar na “Fógraí gníomhacha”, ach is féidir leat a roghnú líon na bhfógraí a thaispeántar a theorannú, trí Eagrán reatha IO S a roghnú faoin gceannteideal “Raon feidhme an chuardaigh”.